ஆசையுண்டு!. பெண்ணே!. ஆசையுண்டு!..

மண்ணுக்குள் செல்லும்

மண்புழுவைப் போல்..-உன்

மனதுக்குள் செல்ல ஆசையுண்டு!..

உன் விழிக்குள் என்னையும்..

என் விழிக்குள் உன்னையும்..

தினந்தோறும் தேட ஆசையுண்டு!..

நிழலுக்காக நீ மரத்தின் கீழே

நின்றபோது – மர நிழலின்..

நிஜமாய் மாற ஆசையுண்டு!..

         

அற்புதமாய் நீ வாசிக்கும் ஆனந்த ராகமாய்..

அடிக்கடி நீ திட்டுகின்ற வார்த்தையாய்..-உன் 

‘ஆசை’ என்ற எண்ணமாய் மாற ஆசையுண்டு!..

           

அனல் பறக்கும் அறையில் அமரவைத்து..-உனக்கு

அழகாக வியர்க்கின்ற அந்த...

அதிசயத்தை பார்க்க ஆசையுண்டு!..

சாதனைகளும்,சகாப்தங்களும்..

சரித்திரங்களில் பதியும் வேளையில்..

சாலையில் நீ வரும் வழி நோக்கி..காத்திருந்து

சாக தினந்தோறும் ஆசையுண்டு!..